مقادير و طريقة تحضير صابلي راقي بالشكلاط و النوازيت و مزوق بالبيسطاش
مقادير صابلي راقي بالشكلاط و النوازيت و مزوق بالبيسطاش
240 غ زبدة
150غ سكر كلاصي
ملح
ڢاني
120 غ نوازيت
240 غ دقيق
65 غ شكلاط غبرة بدون سكر
طريقة تحضير صابلي راقي بالشكلاط و النوازيت و مزوق بالبيسطاش
نطحنو النوازيت مع 50 غ دقيق ونخليوه على جنب
هاد العملية ماكتخليش النوازيت يعمل تكتلات و بالتالي ماغاديش يطلق الزيت ديالو
نضربو الزبدة و السكر كلاصي و الملح و الفاني ونضيفو الشكلاط غبرة
ثم النوازيت ونخلطو مزيان
ثم نضيفو الدقيق شوية شوية و نخلطو
حتى تجمع العجينة نغطيوها ببلاستيك غدائي وندخلوها للثلاجة على الأقل 6 ساعات
نبسطوها ونقطعوها بالشكل لبغينا وندخلوها للفران
ملي نخرجوهم من الفران نخليوهم يبردو ونزوقوهم هنا ختارينا الشكلاط و البيسطاش
ليست هناك تعليقات:
إرسال تعليق